مانی کے بغیر میری شخصیت ادھوری ہے، اداکارہ حرا

مانی کی مثبت سوچ مجھے روز اگے بڑھنے میں مدد دیتی ہے، اداکارہ حیرا۔ فوٹو: فائل

مانی کی مثبت سوچ مجھے روز اگے بڑھنے میں مدد دیتی ہے، اداکارہ حیرا۔ فوٹو: فائل

 کراچی: اداکارہ حرا مانی کا کہنا ہے کہ مانی کی شخصیت میری زندگی میں خاصی اثر انداز رہی ہے۔

حرا مانی نے ایک ویب سائٹ کو دیئے گئے انٹرویو میں اپنے متعلق بتاتے ہوئے کہا کہ میں نے کبھی بھی اپنی زندگی میں پیسوں کو اہمیت نہیں دی اور نہ ہی شہرت چاہی، میں ہمیشہ محبت چاہتی تھی جوکہ مجھے اپنے والدین سے ،بھائیوں سے اور شوہر مانی سے ملی اور دنیا بھر میں موجود مداحوں سے بھی مل رہی ہے کیوں کہ محبت کے بنا زندگی ادھوری ہے۔

اداکارہ نے کہا کہ اکثر لوگ مجھے مانی کا فیمیل ورژن کہتے ہیں دراصل مانی کی شخصیت میری زندگی میں خاصی اثر انداز رہی ہے، مانی میرے لئے ایک منفرد اور اہمیت کا حامل ہے اور آج بھی مانی کی حقیقی اداکاری سے متاثر ہوں۔ مانی کی مثبت سوچ مجھے روز اگے بڑھنے میں مدد دیتی ہے۔

حرا  کا کہنا تھا کہ مانی نے مجھے روایتی کام کرنے کے بجائے ایسی قوت دی کہ میں اپنے معیارات خود بناؤں، مانی نے مجھے سکھایا کہ میں دوسروں سے متاثر ہوئے بغیر خود ایسی صلاحیتیں پیدا کروں کہ ایک بہترین اہلیہ ، والدہ اور اداکارہ بن سکوں اور میں آج جو کچھ بھی ہوں مانی کی وجہ سے ہوں۔

اپنا تبصرہ بھیجیں